୩ ଦିନ ହେଲା ପୋଷ୍ଟ ମାଷ୍ଟର ନିଖୋଜ : ବାଇକ୍‌ ମିଳିଲା, ମିଳୁନି ପତ୍ତା

0
106
ପୋଷ୍ଟ ମାଷ୍ଟର ନିଖୋଜ
ପୋଷ୍ଟ ମାଷ୍ଟର ନିଖୋଜ

ରାୟଗଡ଼ା : ଗତ ୩ ଦିନ ହେଲାଣି ନିଖୋଜ ଅଛନ୍ତି ପୋଷ୍ଟ ମାଷ୍ଟର । ଖୋଜି ଖୋଜି ମିଳୁନି ପତ୍ତା । ସବୁଆଡ଼ୁ ନିରାଶ ହୋଇ ଏନେଇ ପରିବାର ଲୋକ ଥାନାର ଦ୍ୱାରସ୍ଥ ହୋଇଥିଲେ । ପୁଲିସ୍‌ କେବଳ ଖୋଜିଖୋଜି କରି ବାଇକ୍‌ ପାଇଛି। ହେଲେ ପୋଷ୍ଟ ମାଷ୍ଟରଙ୍କୁ ପାଉନି। ଆଖିରୁ ଲୁହ ଶୁଖୁ ନ ଥିବା ବେଳେ ପୁଅର ଫେରିବା ବାଟକୁ ଅନାଇ ରହିଛନ୍ତି ପରିବାର ଲୋକ । ଏପରି ଏକ ଅଭାବନୀୟ ଘଟଣା ରାୟଗଡ଼ା ଜିଲ୍ଲା ମୁନିଗୁଡା ଥାନା ଅନ୍ତର୍ଗତ ପିସ୍କା ପଙ୍ଗା ପଞ୍ଚାୟତରେ ହୋଇଛି। ନିଖୋଜ ପୋଷ୍ଟମାଷ୍ଟର ହେଲେ ମାନସ ହିକକା ।

ମାନସଙ୍କ ଘର ମୁନିଗୁଡା ଥାନା କନ୍ଧହୀରବା ଗାଁରେ ବୋଲି ଜଣା ପଡ଼ିଛି। ତାଙ୍କୁ କେହି ଦୁର୍ବୃତ୍ତ ଅପହରଣ କରିନେଇଥିବା ଅଭିଯୋଗ ହୋଇଛି। ଗତ ୫ ତାରିଖରେ ମାନସ ବିଷମ କଟକ ଥାନା ରାଶିକଲା ପଞ୍ଚାୟତରୁ ଡୁକୁମ ଯିବା ପାଇଁ ଘା ବାହାରି ଥିଲେ । ହେଲେ ସେ ଆଉ ଘରକୁ ଫେରି ନଥିଲେ। ପରିବାର ଲୋକ ଓ ଗ୍ରାମବାସୀ ବହୁ ଖୋଜାଖୋଜି କରିବା ପରେ ବିଷମ କଟକ ଥାନାକୁ ଜଣାଇଥିଲେ ।  ବିଷମ କଟକ ପୁଲିସ୍‌ର ଏକ ଟିମ୍‌ ତଦନ୍ତ ପାଇଁ ଯାଇଥିବା ବେଳେ ରାସ୍ତା କଡ଼ରୁ ତାଙ୍କ ବାଇକ୍ ଉଦ୍ଧାର କରିଛି। ତେବେ ମାନସଙ୍କର ଏ ଯାଏ କୌଣସି ପତ୍ତା ମିଳିନାହିଁ। ଏ ନେଇ ପରିବାର ତରଫରୁ ମୁନିଗୁଡା ଥାନାରେ ଏକ ଏତଲା ଦେଇଥିବା ବେଳେ ପୁଲିସ ଏକ ନିଖୋଜ ମାମଲା ରୁଜୁକରି ତଦନ୍ତ ଜାରିରଖିଛି।

Also Read  ୨୪ ଯାଏ ବର୍ଷା, କମିବ ଶୀତ

LEAVE A REPLY

Please enter your comment!
Please enter your name here