ଭୁବନେଶ୍ୱର: ଅଗଷ୍ଟ ୨୨: ଭାରତର ମହିଳା ଟେବୁଲ୍ ଟେନିସ୍ ଦଳ ୨୦୨୪ ପ୍ୟାରିସ୍ ଅଲିମ୍ପିକ୍ସରେ ଇତିହାସ ସୃଷ୍ଟି କରି ଦେଶର ଇତିହାସରେ ପ୍ରଥମ ଥର ପାଇଁ ୧୬ ରାଉଣ୍ଡ ଅତିକ୍ରମ କରିଥିଲା | କ୍ୱାର୍ଟର ଫାଇନାଲରେ ଭାରତର ମହିଳା ଦଳ ଜର୍ମାନୀ ଠାରୁ ହାରିଯାଇଥିଲା I ଯେଉଁଠାରେ ଅର୍ଚନା କାମାଥ ଏକମାତ୍ର ଖେଳାଳି ଯିଏ ଗୋଟିଏ ଗେମ ଜିତିଥିଲେ I ଭାରତ ୧-୩ ରେ ମ୍ୟାଚ ହାରି ପ୍ରତିଯୋଗିତାରୁ ବିଦାୟ ନେଇଥିଲା I
ଯଦିଓ ଅଲିମ୍ପିକ୍ ଗେମ୍ସରେ ଭାରତ ଟେବୁଲ୍ ଟେନିସ୍ ରେ କ୍ୱାର୍ଟର ଫାଇନାଲରେ ପହଞ୍ଚିବା ଭାରତ ପାଇଁ ଭଲ ଖବର, କିନ୍ତୁ ଏହା ଅର୍ଚ୍ଚନା କାମାଥଙ୍କୁ ସନ୍ତୁଷ୍ଟ କରିପାରି ନ ଥିଲା ଏବଂ ସେ ଅଧିକ ଆଶା କରୁଥିଲେ I ପରବର୍ତୀ ଅଲମ୍ପିକ୍ସରେ ପଦକ ମିଳିବାର କୌଣସି ଗ୍ୟାରେଣ୍ଟି ନ ଥିବାରୁ ଏହି ଯୁବ ଖେଳାଳି ବୃତ୍ତିଗତ ଭାବରେ ଟେବୁଲ୍ ଟେନିସ୍ ଛାଡି ବିଦେଶରେ ପଢିବାକୁ ନିଷ୍ପତ୍ତି ନେଇଛନ୍ତି |
ପ୍ୟାରିସ୍ ଗେମ୍ସରୁ ଘରକୁ ଫେରିବା ପରେ ୨୪ ବର୍ଷ ବୟସର କାମାଥ ତାଙ୍କ ପ୍ରଶିକ୍ଷକ ଅନସୁଲ ଗର୍ଗଙ୍କ ସହ ପରବର୍ତ୍ତୀ ଖେଳଗୁଡିକରେ ପଦକ ଅର୍ଜନ କରିବାର ଆଶା ବିଷୟରେ ଏକ ଖୋଲାଖୋଲି ବାର୍ତ୍ତାଳାପ କରିଥିଲେ। କୋଚ, ଅର୍ଚ୍ଚନାଙ୍କ ଆଭିମୁଖ୍ୟରେ ବୋଧହୁଏ ଆଶ୍ଚର୍ଯ୍ୟ ହୋଇ ସ୍ପଷ୍ଟ ପ୍ରତିକ୍ରିୟା ଦେବାକୁ ନିଷ୍ପତ୍ତି ନେଇଥିଲେ |
ପ୍ରଶିକ୍ଷକ ତାଙ୍କୁ କହିଥିଲେ, ‘ଏହା ଏହା କଷ୍ଟସାଧ୍ୟ ଅଟେ ଏବଂ ଏଥିପାଇଁ ବହୁତ ପରିଶ୍ରମ କରିବାକୁ ପଡିବ । ଅବଶ୍ୟ ଏହି ଦୁଇ ମାସ ଭିତରେ ସେ ଅନେକ ଟା ଉନ୍ନତି କରିଛନ୍ତି I ‘ ତେବେ ଏଥିନେଇ ହୁଏତ, ଅର୍ଚ୍ଚନା ଏହା ପୂର୍ବରୁ ସ୍ଥିର କରିସାରିଛନ୍ତିଏବଂ ଥରେ ସେ ନିଜର ମନ ସ୍ଥିର କଲା ପରେ ଏହାକୁ ପରିବର୍ତ୍ତନ କରିବା କଷ୍ଟକର ବୋଲି ଗର୍ଗ ଗଣମାଧ୍ୟମ କୁ କହିଛନ୍ତି I
“ଅର୍ଚ୍ଚନାଙ୍କର ସର୍ବଦା ଏକାଡେମିକ୍ ଆଭିମୁଖ୍ୟ ରହିଆସିଛି ଏବଂ ତାଙ୍କର ଟିଟି କ୍ୟାରିଅର୍ ସହିତ ପାଠପଢ଼ାରେ ମଧ୍ୟ ଖୁବ ଭଲ କରନ୍ତି ଏବଂ ଅର୍ଥନୀତିରେ ସ୍ନାତକୋତ୍ତର ଅଧ୍ୟୟନ ଜାରି ରଖିଥିଲେ I ଏବେ ସେ International Relations, Strategies, and Securities ପାଇଁ ଆବଶ୍ୟକତା ପୂରଣ କରିଛନ୍ତି । ସେ ଖୁବ ଉତ୍ସର୍ଗୀକୃତ ଏବଂ ଉତ୍ସାହ ସହିତ ଟେବୁଲ୍ ଟେନିସ୍ ଖେଳିଛନ୍ତି | ୧୫ ବର୍ଷରୁ ଅଧିକ ସମୟର ପ୍ରଚେଷ୍ଟା ତାଙ୍କୁ ଅଲିମ୍ପିକ୍ସରେ ଆମ ଦେଶକୁ ପ୍ରତିନିଧିତ୍ୱ କରିବାରେ ସୁଯୋଗ ଦେଇଥିଲା I ଏବେ ସେ ଅନୁଭବ କରୁଛନ୍ତି ଯେ’ ତାଙ୍କ ପାଇଁ ଅଧିକ ଅଧ୍ୟୟନ କରିବା ସମୟ ଆସିଛି ଏବଂ କୌଣସି ଅନୁତାପ ନକରି ସେ ପାଠରେ ମନୋନିବେଶ କରିବେ ବୋଲି ଅର୍ଚ୍ଚନାଙ୍କ ପିତା ଗଣମାଧ୍ୟମ କୁ କହିଛନ୍ତି।
