ଚାପଖେଳବେଳେ ଲଡୁବାବାଙ୍କ ପୀଠରେ ଅଘଟଣ, ପୋଖରୀରେ ବୁଡ଼ିଗଲା ଚାପ ଡଙ୍ଗା

0
145
chapa-boat-drowned-during-spritual-event at-ladubaba-dham-nayagarh

ନୟାଗଡ଼: ନୟାଗଡ଼ ଶରଣକୂଳ ଲଡୁବାବାଙ୍କ ପୀଠରେ ଠାକୁର ଚାପ ଖେଳୁଥିବା ସମୟରେ ଅଘଟଣ । ଠାକୁରଙ୍କ ଚାପ ଖେଳ ବେଳେ ବୁଡିଗଲା ଚାପ ଡଙ୍ଗା । ଅଳ୍ପକେ ବର୍ତ୍ତିଲେ ୨୭ ଭକ୍ତ ଓ ସେବାୟତ । ଚନ୍ଦନଯାତ୍ରା ପାଇଁ ଲଡୁବାବାଙ୍କ ଚନ୍ଦନ ପୋଖରୀରେ ଗତ ୨୧ ଦିନ ହେଲା ଠାକୁରଙ୍କ ଚାପ ଖେଳ ହୋଇ ଆସୁଥିଲା ।

ସୂଚନାନୁଯାୟୀ, ସୋମବାର ଭଉଁରୀ ଥିବାରୁ ଲଡୁବାବାଙ୍କ ଚଳନ୍ତି ପ୍ରତିମାକୁ ନେଇ ସେବାୟତମାନେ ବିଳମ୍ବିତ ରାତିରେ ନିକଟସ୍ଥ ପୋଖରୀରେ ସୁସଜ୍ଜିତ ଡଙ୍ଗାରେ ଚାପ ଖେଳୁଥିଲେ । ତେବେ ଚାପ ଖେଳୁଥିବା ସମୟରେ ଡଙ୍ଗାଟି ରାତି ପ୍ରାୟ ୧୨ଟା ସମୟରେ ହଠାତ୍ ପାଣିରେ ବୁଡିଯାଇଥିଲା । ଡଙ୍ଗାରେ ଅତ୍ୟଧିକ ଲୋକ ରହିଥିବାରୁ ଏଭଳି ଅଘଟଣ ହେଲା ବୋଲି ସ୍ଥାନୀୟ ଲୋକ ଅଭିଯୋଗ କରିଛନ୍ତି । କୂଳଠାରୁ ମାତ୍ର କିଛି ଦୂରରେ ଡଙ୍ଗାଟି ଓଲଟି ପଡ଼ିଥିଲା । ସେଠାରେ ଉପସ୍ଥିତ ଥିବା କିଛି ଲୋକ ପୋଖରୀ ଭିତରକୁ ଡେଇଁ ସମସ୍ତଙ୍କୁ ଉଦ୍ଧାର କରିଥିଲେ ।

Also Read  ହ୍ରିତିକ ରୋଶନଙ୍କ ‘ବିକ୍ରମ ଭେଧା’କୁ ବଏକଟ୍ ଦାବି, ଆମୀର ଖାନଙ୍କୁ ସପୋର୍ଟ କରିବା ପଡିଲା ଭାରି

LEAVE A REPLY

Please enter your comment!
Please enter your name here