ଭାଇ ସାଜିଲା ସୈତାନ। ନିଜ ସାନ ଭାଇକୁ ଅତି ନିର୍ମମଭାବେ ହତ୍ୟା କଲା ବଡ ଭାଇ। ଛୋଟ ଭାଇର ହାତଗୋଡ ବାନ୍ଧି ଗଛରେ ଝୁଲାଇ କାଠ ଫାଳିଆରେ ନିର୍ମମ ଭାବେ ପିଟି ପିଟି ମାରିଦେଲା ଭାଇ । ମୟୂରଭଞ୍ଜ ଜିଲ୍ଲା ଶରତ ଥାନା ଅନ୍ତର୍ଗତ ବାଟିଘୁଟୁ ଗାଁରେ ଘଟିଛି ଏହି ଅଭାବନୀୟ ଘଟଣା । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଭିଯୁକ୍ତ ବଡ ଭାଇ ସିଙ୍ଗରାଏ ଦେଓଗାଁ ଏବଂ ତାର ସହଯୋଗୀ ଚମ୍ପାଇ ମୁଣ୍ଡାକୁ ଗିରଫ କରିଛି ।
ତେବେ ହତ୍ୟା ପଛର କାରଣ ଜଣାପଡି ନାହିଁ । ସୂଚନା ଅନୁସାରେ ସିଙ୍ଗରାଏ ମାନସିକ ବିକାରଗ୍ରସ୍ତ । ସେ ଛୋଟ ପିଲାଙ୍କୁ ଦେଖିଲେ ମାରିବାକୁ ଗୋଡାଏ । ତେବ କୌଣସି କାରଣରୁ ନିଜ କାକା ପୁଅ ଲାଣ୍ଡୁ ମୁଣ୍ଡାକୁ ସହଯୋଗୀର ସହାୟତାରେ ହାତଗୋଡ ବାନ୍ଧି ଏକ ଗଛରେ ଝୁଲାଇ ଦେଇଥିଲା ସିଙ୍ଗରାଏ । ଏହାପରେ ଏକ କାଠ ଫାଳିଆରେ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି ।
