ଖୋର୍ଦ୍ଧା: ଯାନ୍ତ୍ରୀକ ତୃଟି ଯୋଗୁଁ ମଝି ଚିଲିକାରେ ଫସି ରହିଥିବା ଡ଼ଙ୍ଗାରୁ ଆଉ ଏକ ଡ଼ଙ୍ଗା ସାହାଯ୍ୟରେ ଯାତ୍ରୀଙ୍କୁ ଉଦ୍ଧାର କରାଯାଇଛି । ଯାନ୍ତ୍ରିକ ତୃଟି ଯୋଗୁଁ ପାଖାପାଖି ଅଧଘଂଟା ଧରି ଅଟକି ରହିଥିଲା ଡ଼ଙ୍ଗା । ଡଙ୍ଗାଟି ଜହ୍ନିକୁଦା ଘାଟ ଠାରୁ ୧୨:୪୫ ମିନିଟି ସମୟରେ ସାତପଡା ଅଭିମୁଖେ ବାହାରିଥିଲା । ଯାନ୍ତ୍ରୀକ ତୃଟି କାରଣରୁ ଜହ୍ନିକୁଦା ନିକଟ ଚିଲିକାରେ ୩୦ମିନିଟି ଧରି ଅଟକି ରହିଥିଲା ଏହି ଡଙ୍ଗାଟି ।
ଜହ୍ନିକୁଦରୁ ୫ଶହ ମିଟର ଆସିବା ପରେ ଡଙ୍ଗାରେ ସମସ୍ୟା ଦେଖାଦେଇଥିଲା । ଯାନ୍ତ୍ରିକ ତୃଟି ଯୋଗୁଁ ଡଙ୍ଗାଟି ମଝି ଚିଲିକାରେ ଫସି ରହିଥିଲା । ଡଙ୍ଗାରେ ଥିବା ଯାତ୍ରୀମାନେ ଭୟଭିତ ଅବସ୍ଥାରେ ରହିଥିଲେ । ତେବେ ସେମାନଙ୍କୁ ଆଉ ଏକ ଡ଼ଙ୍ଗା ସାହାଯ୍ୟରେ ଉଦ୍ଧାର କରାଯାଇଛି ।
