ବରଗଡ଼: ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଲେ ତହସିଲ କର୍ମଚାରୀ । ବରଗଡ଼ ଜିଲ୍ଲା ଅମ୍ବାଭୋନା ତହସିଲ ଅଫିସର ରେଭିନ୍ୟୁ ଆସିଷ୍ଟାଣ୍ଡ ବଳରାମ କଲାରୀ ଭିଜିଲାନ୍ସ ହାତରେ ଧରାପଡିଛନ୍ତି। ଗିରଫ ବାବୁ ଜଣକ ହେଲେ ବରିଷ୍ଠ ରାଜସ୍ବ ସହାୟକ ବଳରାମ କରାଳି । ସେ ପାର୍ଟିସନ କେସ ବାବଦରେ ପାଞ୍ଚ ହଜାର ଟଙ୍କା ଲାଞ୍ଚ ନେଉଥିଲେ । ଏହି ସମୟରେ ସେ ଭିଜିଲାନ୍ସ ଜାଲରେ ଧରା ପଡିଛନ୍ତି । ପୈତୃକ ସମ୍ପତ୍ତି ଭାଗ କରିବା ପାଇଁ ଆବଶ୍ୟକୀୟ ରିପୋର୍ଟ ପ୍ରସ୍ତୁତ କରିବାକୁ ନେଉଥିଲେ ଏହି ଲାଞ୍ଚ । ସମ୍ବଲପୁର ଭିଜିଲାନ୍ସ ଡିଭିଜନରେ ଏ ନେଇ ମାମଲା ରୁଜୁ ହୋଇଛି।
